Zakaah ya Mapambo

 ZAKAAH YA MAPAMBO


Maulamaa wamekhitalifiana katika kuzitolea Zakaah dhahabu na fedha za mapambo.

 

Wapo waliosema kuwa dhahabu au fedha ya kujipamba inapofikia Niswaab yake lazima itolewe Zakaah yake, na hawa wameegemeza Hadiyth ya Mtume Muhammad (Swalla Allaahu ‘alayhi wa aalihi wa sallam) aliposema kumwambia mwanamke mmoja aliyemvisha mwanawe mkufu wa dhahabu akamwambia:

 

"Unailipia Zakaah yake?"

Akasema:

"La, hatuilipii"

Nabiy (Swalla Allaahu ‘alayhi wa aalihi wa sallam) akamwambia:

"Huogopi Allaah akakuvalisheni mikufu ya Moto? Zilipie Zakaah yake". [Ahmad]

 

Na pia Hadiyth iliyosimuliwa na Bibi ‘Aaishah (Radhwiya Allaahu 'anhaa) aliposema:

 

"Aliingia chumbani kwangu Rasuli wa Allaah (Swalla Allaahu ‘alayhi wa aalihi wa sallam) akaniona nimevaa pete za fedha. Akaniuliza:

"Nini hiki Ee ‘Aaishah?"

Nikamwambia:

"Nimezitengeneza ili nijipambe kwa ajili yako ee Rasuli wa Allaah".

Akasema:

"Unazilipia Zakaah yake?"

Nikasema:

"Hapana."

Akasema:

"Hiyo inatosha kwa (kukupatia adhabu ya) Moto". [Abuu Daawuwd – Ad-Daaraqutniy na Al-Bayhaqiy]

 

Ama wale wanaosema kuwa Dhahabu ya mapambo hailipiwi Zakaah, wao wameegemeza hoja zao katika Hadiyth iliyosimuliwa na Al-Bayhaqiy inayosema:

 

"Jaabir bin ‘Abdillaah (Radhwiya Allaahu ‘anhu) aliulizwa juu ya mapambo:

"Yanatolewa Zakaah?

Akasema:

"La, hayatolewi"

Akaulizwa:

"Hata kama thamani yake itafikia Dinari elfu moja?'

Akasema:

"Zaidi" (hata kama zaidi ya thamani hiyo)

 

Na pia Hadiyth iliyomo katika Muwataa, kitabu cha Imaam Maalik inayosema:

 

"Bibi ‘Aaishah alikuwa akiwalea wana wa kaka yake mayatima na walikuwa na mapambo na hakuwa akiyatolea Zakaah.”

 

Atakayezichunguza Hadiyth hizi na zile, ataona kuwa zile zinazolazimisha kuitolea Zakaah dhahabu au fedha ya mapambo ndizo zenye nguvu zaidi na zenye uhakika zaidi kuliko zisizolazimisha 


- Wa-Allaahu A'lam.

Maoni

Chapisha Maoni

Machapisho maarufu kutoka blogu hii

Eda: Maana ya Eda, Hikma ya Eda , Hukmu zake, Mambo yanayopasa na uyasiyopasa kwa mwenye Eda

  Maana ya Eda, Hikma ya Eda , Hukmu zake, Mambo yanayopasa na uyasiyopasa kwa mwenye Eda Assallaam Aleykum Warahmatullaah Wabarakatuh Maana ya Eda Eda ni kipindi anachokaa mwanamke aliyeachika (Talaka) au aliyefiwa na mumewe, na baada ya kipindi hicho ndoa yake huwa halali. Na imeitwa eda kwa jina hili kutokana na jina la kiarabu ‘ iddah ’ kwa kukusanya kwake (idadi) ya miezi au quruu au au hedhi au vipindi vya tohara ya hedhi. Maana ya Quruu Kuna kutofautiana kwa maoni ya ‘Ulamaa kuhusu hii quruu, je, ni Twahara au ni hedhi?   Quruu , ni neno linalotumika kwa maana ya hedhi au Twahara kwa vile linaoana na maana zote mbili. Hanafiy na Hanbaliy, wanaona kwamba neno hili lina maana ya hedhi. Hii inamaanisha kwamba mwanamke aliyeachwa atakaa hadi hedhi tatu zimalizike. Ikiwa hedhi itakatika baada ya mara moja tu, basi itakamilishwa na miezi. Ama Imaam Maalik na Ash-Shaafi'iyy, wao wanaona kwamba neno hili lina maana ya Twahara. Na Twahara hapa ni vile vipindi vinavyokuw...
Endelea kusoma

Namna ya Kuswali Swalat Kusuwf (Swalah ya Kupatwa kwa Jua/Mwezi

  NAMNA YA KUSWALI SWALAH YA KUPATWA KWA JUA/MWEZI  Swalaah ya Kusuwf ni rakaa mbili tu, hakuna mabishano kati ya Maulamaa kuhusu hili. Walilobishania ni utendaji wake kwa kauli tofauti. Zilizo mashuhuri zaidi ni mbili:   Ya kwanza:   Ni rakaa mbili. Kila rakaa ina visimamo viwili, visomo viwili, rukuu mbili na sijdah mbili. Wanaosema haya ni Maalik, Ash-Shaafi’iy na Ahmad. [ Ad-Dusuwqiy (1/405), Al-Ummu (1/215), Kash-Shaaful Qinaa (2/62) na Al-Mughniy (2/422)]   Dalili zao ni:   1-  Hadiyth ya Ibn ‘Abbaas aliyesema: “Jua lilipatwa wakati wa enzi ya Nabiy (Swalla Allaahu ‘alayhi wa aalihi wa sallam). Nabiy akaswali pamoja na watu. Akasimama kisimamo kirefu cha kiasi cha kusoma Suwrat Al-Baqarah. Kisha alirukuu rukuu ndefu, halafu akasimama kisimamo kirefu chini kidogo ya kisimamo cha kwanza. Kisha alirukuu rukuu ndefu chini kidogo ya rukuu ya kwanza”.  [ Hadiyth Swahiyh: Imefanyiwa “ikhraaj” na Al-Bukhaariy (1046) na Muslim (901)].   2- ...
Endelea kusoma

Ramadhwaan ni Mwezi wa Du’aa na Du’aa hutakabaliwa

  Du’aa ni ‘ibaadah kama ilivyothibiti katika Hadiyth:     عَنِ النُّعْمَانِ بْنِ بَشِيرٍ (رضي الله عنه) عَنْ النَّبِيِّ (صَلَّى اللَّهُ عَلَيْهِ وَسَلَّمَ) فِي قَوْلِهِ  ((وَقَالَ رَبُّكُمُ ادْعُونِي أَسْتَجِبْ لَكُمْ))  قَالَ: ((الدُّعَاءُ هُوَ الْعِبَادَةُ)) وَقَرَأَ  ((وَقَالَ رَبُّكُمُ ادْعُونِي أَسْتَجِبْ لَكُمْ))  إِلَى قَوْلِهِ:  ((دَاخِرِينَ)) Amesimulia Nu’maan bin Bashiyr  (رضي الله عنه)   kwamba Nabiy ( صلى الله عليه وآله وسلم ) kuhusu kauli yake [Allaah Subhaanahu wa Ta’aalaa]:  وَقَالَ رَبُّكُمُ ادْعُونِي أَسْتَجِبْ لَكُمْ ((Na Rabb wenu Amesema: “Niombeni, Nitakuitikieni))   Amesema: ((Du’aa ndio ‘ibaadah)) kisha akasoma:    وَقَالَ رَبُّكُمُ ادْعُونِي أَسْتَجِبْ لَكُمْ  ۚ  إِنَّ الَّذِينَ يَسْتَكْبِرُونَ عَنْ عِبَادَتِي سَيَدْخُلُونَ جَهَنَّمَ  دَاخِرِينَ﴿٦٠﴾ Na Rabb wenu Amesema: Niombeni, Nitakuitikieni. Hakika wale wanaotakabari katika kuniabudu wataingia Jahanam wadhalilike. ...
Endelea kusoma